🇱🇾 أخبار محلية – ليبيا
📍 حبس وزير التعليم ومدير مركز المناهج علي خاطر تأخير في الكتابات المدرسية
القرايا بدت السنة هذه في ليبيا والكتابات قاعدين في إيطاليا. النيابة العامة فتحت تحقيق وحبست وزير التعليم ومدير مركز المناهج، بعد ما اكتشفوا مخالفات كبيرة في عقود طباعة الكتاب المدرسي لسنة 2025–2026. الموضوع خطير … فيه سوء إدارة وفساد مالي، وتأخير تأثروا بيه زوز مليون طالب ما لقوش كتاباتهم.
📍 طريق السلام مع إيطاليا… أخيرًا تحرك المشروع 🛣️🤝
كجزء من الطريق الساحلي الممتد من إمساعد لرأس جدير (مشروع طريق السلام)، حكومة الوحدة وقعت اتفاق تنفيذ 160 كم الممتدة من العزيزية لرأس جدير. هذا جزء من اتفاقية الصداقة والشراكة الموقعة بين ليبيا وإيطاليا عام 2008 مشروع كبير لو يكمل بنجاح… يفتح باب شغل، وتجارة، ونقل أفضل، خصوصًا إن الموضوع جزء من اتفاقية قديمة وما تحركش لسنين.
📍 مشروع استكشاف نفط جديد في ليبيا تأجل للستة وعشرين ⛽
المؤسسة الوطنية للنفط قالت إن خطط الاستكشاف تأجلت لـ 2026. شركات Eni وBP راح يشتغلوا على حفر آبار جديدة في غدامس وسرت. اختيار غدامس وسرت مش صدفة: هادي مناطق عندها تاريخ مليح من ناحية الإنتاج واحتمال كبير فيها احتياطيات جديدة. لو لقو نفط معناها إنتاجنا ممكن يزيد … والاستثمار الأجنبي ممكن يرجع يدخل بقوة.
🌍 أخبار عالمية
البيتكوين نزلت تحت الـ100 ألف دولار … أول مرة من يونيو 2025! 💥📉
السبب أن المستثمرين خايفين من الطفرة الكبيرة في أسهم الذكاء الاصطناعي اللي ممكن يكون في مبالغة في أسعارها، وعادةً نفس ناس الكريبتو هما نفس الناس اللي تستثمر في أسهم الذكاء الاصطناعي.
البيتكوين نزلت 5٪ والإيثريوم نزلت 9٪
الواضح: المزاج العام للناس اللي يخشّوا في الـ AI هو نفسه مزاج ناس الكريبتو… ولمّا يخافوا يمنعوا الاثنين.
GTA 6 اللعبة اللي علمت الـ Gamers الصبر 😩🎮
للمرة الثالثة Take-Two الشركة الأم لـ Rockstar أعلنت تأجيل GTA 6 لنوفمبر 2026. سهم الشركة طاح 9٪ ,والجمهور توتر والمستثمرين ركبهم الضغط من لعبة مازال ما نزلتش لكن تحرك في مليارات في البورصة.
CEO الشركة قال التأجيل باش “يزيدو يطورو اللعبة”… والناس بدت حتى تشك في أنها بتنزل.
نيويورك ـ المدينة اللي ما ترقدش ـ تنتخب زهران ممداني 🗳️🔥
زهران ممداني فاز بنسبة 50.4٪ وصار أصغر عمدة (Mayor) للمدينة من أكثر من 100 سنة… وأول مسلم يوصل للمنصب هذا، وأول شخص من أصول هندية، يعني ثلاثة أرقام قياسية في ضربة وحدة.
برنامج الراجل: 🏠 تجميد الإيجارات يعني مافيش نوم في الشارع، حضانات مجانية للأمهات، متاجر غذاء عامة، 💰 ضرائب أعلى على المليارديرية. الشباب والطبقة المتوسطة والمهجّرين كانوا العمود الفقري لحملته. الاستراتيجية هذي غلبت حتى الـ26 ملياردير اللي صرفوا من شهر مارس 22 مليون دولار باش يطيحوا ممداني… لكن الباين إن المليارديرات ما فهموش إن الموضوع مش فلوس، الموضوع "شكون يعرف يخش على التيك توك"
طيران الإمارات فتحت دفتر الشيكات: 38 مليار دولار لبوينغ ✈️💵
طيران الإمارات طلبت 65 طيارة Boeing 777-9 بقيمة ضخمة جدًا. الخبر ممتاز لبوينغ… لكن رئيس شركة بوينغ الجديد بيقعد يضرب في راسه في الحيط باش يلحق على الشغل. تقريبًا ميزانية ليبيا في سنتين بيشرو بيها طيارات.
Talabat، Instashop و Jahez – أرقام شركات التوصيل في المنطقة 🍔📦
📌 Talabat – أقوى أداء:
GMV (إجمالي قيمة البضائع أو الطلبات) طالع 27٪
إيراداتهم وصلت مليار
Talabat Pro صارت تمثل نص قيمة الطلبات تقريبًا
الإعلانات صارت تحقق أكثر من نصف الأرباح
📌 Instashop – وضع مش ولا بد:
GMV طالع 9٪
الأرباح التشغيلية طايحة 65٪
الشركة داخلة في إعادة هيكلة
📌 Jahez – أداء متذبذب:
أرباح 9 أشهر = 121.5 مليون ريال
الربع الثالث نازل 22٪ بسبب المنافسة
لكن أرباحهم ركبت 3 مرات مقارنة بالربع اللي فات
Google Gemini 3 – قوقل تطلق أذكى موديل ذكاء اصطناعي في العالم حسب ما قالت 🤖🚀
قوقل أعلنت Gemini 3 وقالت إنه أذكى موديل في العالم… واللي جاب أعلى سكور في LMArena و Humanity's Last Exam اللي يقيّمو في موديلات الـ AI.
Google Suncatcher – الذكاء الاصطناعي يطلع للفضاء 😳🛰️☀️
صدق أو لا… قوقل تبي تشغّل كمبيوترات الذكاء الاصطناعي في الفضاء! الفكرة: الشمس في المدار ما توقفش… يعني طاقة 24/7 بدون بطاريات والموضوع ما يحتاجش لأنظمة تبريد لان الفضاء بارد. الهدف الحقيقي؟ الأرض ما عادش قادرة تستحمل استهلاك الطاقة المطلوب من الـ AI… فقوقل قالت: “نبعثوه فوق وخلاص.”
🟣 منصة بورصة – شن صاير توا؟ 🚀📱
توا نخدموا على:
تحديثات للمنصة على حسب ملاحظاتكم
إطلاق كورسات استثمار للمبتدئين مقدمة من خبراء
استعدّوا للستة وعشرين
وأنستو بعضكم
